מאמע

אין 1943, די טאטע שוין אוועק געפירט אין מונקאטאבער] יעצט נעבעך איז געקומען די רייע אויף די קינדער און די ווייבער א דערשראקענע מאמע אויף די גאס אין קראקע שפּאצירט זי דעם קליינעם משה’לע, צום גרויסן בארטן פירט זי מיט די לעצטע שיף אפּצושיקן קיין ארץ ישראל זיין עולה רגל […אפּצוראטעווען איר קליינעם קינד, דעם לעצטן פארבליבענעם שעפעלע, פון די נאצישע נעגל

אויף דעם קליינעם שיפעלע דעם האלצערנעם גייט משה’לע ארויף מיט שרעק נאך איימאל מיט ליבשאפט ארומגענומען וואלט זי’נ’אים פאר די שיף פארט אויף אייביג אוועק פון די דייטשן שנעל ער גייט שוין איר הארץ שיקט זי מיט טייער קינד, בלייב מיר געזונט געדענק דו ביסט א איד

אבער ווער וועט זיין מיין מאמע וויינט ער מיט דראמא אז דו לאזט מיך דא איבער אליין ביים בארטן אוי משה’לע, מיין שעפעלע, א נייע מאמע וועסטו האבן אין ארץ ישראל דארטן א מאמע, א מאמע וואס וועט זארגן און בעטן ביים כל יכול זוך איר ווען אנקומען דו גייסט פארגעס נישט ווי דיין נייע מאמע הייסט זי הייסט מאמע רחל

מיט זכרונות פון זיין יוגנט א גאנצע בינטעלע פארט משה’לע א פארקלערטער די שיף אויפ’ן ים ווי א קליינע שווארצע פּינטעלע אלס קלענער און ווייטער ווערט ער אוי די מאמע ביים הארץ רייסט זי מיט די האנט צו דעם שיפעלע ווייזט זי א שטילקייט, די כוואליעס מאכן א קליין גערויש’עלע די לעצטע מאל וואס די מאמע האט געזען איר משה’לע

די קליין שיפעלע פארט און פארט אָן פארהאנקערן נאך דריי א האלב וואכן טוט זי ביים בארטן פון ארץ ישראל אנקערן משה’לע טרעפט דעם ערשטן איד מיט א הדרת פּנים וזקן חתימת און פרעגט אים מיט תמימות “אפשר ווייסט איר וואו איז מיין מאמע רחל” יא מיין קינד” ענטפערט דער איד” דארט ווייט קוק צו” “אינמיטן וועג אין בית לחם, די מאמע רחל ליגט זי משה’לע מיט שנעלע טריט, מיט א צובראכן הארץ ווייעדיג גייט אריין אין קבר רחל, קיינער איז נישט דארט ס’איז שטיל, ס’איז ליידיג ער קוקט אהין ער קוקט אהער און מיט א טרער

איינער, איינער אליין אזוי יונג און קליין ביים מאמע רחל שטיין איינער עלנד אליין אומשולדיג ריין שרייט ער מיט געוויין

אוי אוי אוי אוי מאמע אוי אוי אוי אוי מאמע אוי אוי אוי אוי מאמע ?וואו ביסטו מיין מאמע אוי אוי אוי אוי מאמע אוי אוי אוי אוי מאמע אוי אוי אוי אוי מאמע ?וואו ביסטו מיין מאמע

וויינ’זשע מאמע, וויינ’זשע מאמע, מאמע רחל דא שטייט פאר דיר משה’לע דיין טייער קינד וויינ’זשע מאמע, וויינ’זשע מאמע, מאמע רחל קוק ווי מיין הייסע טרערעלעך רינט זאג’זשע מיר מאמע, זאג’זשע מאמע, מאמע רחל וואו געפינט זיך מיין עכטע מאמע, אויף וועלכען ארט דאס מאל זאג’זשע מאמע, זאג’זשע מאמע, מאמע רחל צי האט זי פארגעסן פון משה’לע איר יתומ’ל

אוי מיין קינד, דיין מאמע יעצט נעבן מיר דא ביים כסא הכבוד שטייט זי זי וויינט און איך וויין מיט מיט איר דא פאר דיינעטוועגן שרייט זי אוי משה’לע מיין קינד איך בענק נאך אים און איך באוויין אים בקרוב אינגיכן וועל איך דיר טרעפן מיט משיח’ן מיט מאמע רחל אינאיינעם

ואני בבואי מפּדן פארטריבן פון נבוזראדן מיט ווייטאג און מיט ליידן קיין בית לחם וועלן זיי גיין מיט זייערע ווייען און פאר דיר שרייען

אוי אוי אוי אוי מאמע אוי אוי אוי מאמע אוי אוי אוי מאמע ?וואס שלאפסטו אונזער מאמע

וויינ’זשע מאמע, וויינ’זשע מאמע, מאמע רחל רחל מבכה על בניה וויינ’זשע מאמע, וויינ’זשע מאמע, מאמע רחל מאנה להנחם

ווי קען א מאמע צוקוקן דעם גרויסן צער פון אירע קינדערלעך אירע שאף קום ארויס פון דיין באהעלטעניש דערפאר שטיי אויף פון דיין לאנגן שלאף אוי מאמע, וויין מאמע דער באשעפער טוט דיין קול צוהערן מנעי קולך אין דעם זכות טאקע אזוי וועל איך מיינע קינדערלעך צוריקקערן

אוי אוי אוי אוי מאמע אוי אוי אוי אוי מאמע אוי אוי אוי אוי מאמע אט אט טרעפן מיר דיך יא יא אוי אוי אוי אוי מאמע אוי אוי אוי אוי מאמע אוי אוי אוי אוי מאמע אם הבנים שמחה הללוקה !הללוקה

דער שידוך

אין די שטאט שׁרעבּ חידושים שרייבט דער הייליגער צדיק פון די גרעסטע נעמען זיין נאמען מאכט א רעש דער הייליגער רש”ש תורה וגדולה מיט טאשן פולע א שם דבר אין גאנץ יעמען א רבי מתוק מדבש מיט חכמה און מיטן טאש

ווען די רייע צוגייט שטייט א איד א יעמענייט און בעט זיך ביים רבי’ן וואס בארגט און לייט רבי, דער מצב איז געדריקט” “כ’האב קיינמאל נישט גענוג זאגט דער רבי, “איך פרעג נישט וואס און ווען קום איך וועל דיר בארגן אויב נישט איך ווער דען געב עס מיר נאר צוריק “אין דריי מאנאטן דאנערשטיג

אונטערן שלאק מיט א נייעם האק טאק, טאק, טאק, אזוי געשמאק פול מיט שיך א גאנצע זאק שטייט דער שוסטער מיט א נייע פראק מער נישט א שלאך א העמד אָן א לאך יעדע וואך ווערט שטערקער דאס גראך פון פרישע לעדער, נאך און נאך אויך מנדב אין שול די שמן זית זך

ס’דורך א מאנאט און נאך א מאנאט דעם שוסטערס ווארט איז אקוראט שפּירט זיך ווי א העלד ער האט דאס גאנצע געלט ער לאזט איבער דעם שוק ס’איז היינט דאנערשטיג לויפט צום טיר פון גרויסן מנהיג הייליגער רש”ש” “מיין חוב שוין אפּוואש

דער הייליגער איד שפּירט’עך נישט קיין גליד זיין קאפּ אין די גמרא וואו די שכינה רוהט ווייזט מיט די האנט און דער שוסטער שנעל ער שפּאנט דער צדיק אָן א משרת נעמט אָן די שטרות באהאלט עס שנעל צווישן די גמרות שכח” ער אויסרופט” און אין די גמרא זיך פארטיפט

איין שיינעם טאג דער רש”ש זיך דערמאנט דער שוסטער איז מיר שולדיג געלט און שלעפּט מיר ביז היינט גיך ער לויפט אליין צו דעם שוסטער אינדערהיים “געב מיר מיין געלט, באצאל דעם חוב”

“רבי, כ’האב שוין לאנג דיר אפּגעגעבן דאס געלט” “ניין, דו האסט מיך נישט געגעבן דאס געלט” רבי, כ’האב שוין לאנג דיר אפּגעגעבן דאס געלט ניין, דו האסט מיר נישט געגעבן דאס געלט רבי, כ’האב שוין לאנג דיר אפּגעגעבן דאס געלט ניין, ניין, דו האסט מיר נישט געגעבן דאס געלט רבי, כ’האב שוין לאנג דיר אפּגעגעבן דאס געלט ניין, ניין, ניין, דו האסט מיר נישט געגעבן דאס געלט יא, כ’האב שוין געגעבן דאס געלט ניין, דו האסט נישט געגעבן דאס געלט געב צירוק דאס געלט דעם רבי’ן דער רבי זאגט נישט קיין ליגנט געב שוין אפּ דאס געלט דעם רבי’ן דער רבי זאגט נישט קיין ליגנט !געב צירוק דאס געעעלט

…ס’איז גרויסע בושות

עס שמעקט שוין נישט פון לעדער ערגעץ אנדערש גייט שוין יעדער ווייל דער רש”ש זאגט זיכער דעם אמת קינדער אין שידוכים אין דותן קען מען זוכן ווייל פארשמוצט נעבעך דער שם איז דער שוסטער וויל צאלן גערן אנשטאט די טרוקענע טרערן (אבער א נאמען קען מען נישט צוריק קויפן (ס’איז דערנאך די בושה שוין איך נעם עס אבער כאטש דעם אמת זאל איך קענען אויפווייזן אויף עפּעס אַן אופן באשעפער אין הימל, האסטו אפשר אַן אופן אוי באשעפער אין הימל, האסטו אפשר אַן אופן אוי באשעפער אין הימל, האסטו אפשר אַן אופן

ויהי היום דער הייליגער רש”ש איז זיך מפלפּל מיט די שיירא מען שלעפּט אראפּ א שולחן ערוך און מען ברענגט ארויס א גמרא מישנדיג די בלעטער בלאט נאך בלאט הייבט זיך אָן, ס’איז גרויסע צרות איך זע כ’האב א טעות געהאט” דא ליגן אלע שטרות וואו, וואו, וואו איז דער שוסטער וואו, וואו, וואו איז דער שוסטער ביי זיך אין שטוב גאר בלאס ער גייט קוים אויף די גאס וואו, וואו, וואו איז דער שוסטער וואו, וואו, וואו איז דער שוסטער זעסט מיין אויגן איז נאס כ’על צאלן יעדע פּרייז וואו, וואו, וואו איז דער שוסטער וואו, וואו, וואו איז דער שוסטער זיי מיר מוחל שוין איך געב דיר כל הון איך בעט דיך ליבליכער שוסטער איך בעט דיך טייערע שוסטער דעם שוסטערס אויגן איז נאס “ס’העלפט נישט קיין פּרייז

“איך קען נישט רבי, כ’קען נישט”

כ’וועל מודיע זיין די גאנצע גאס” “אז דו ביסט ריין ווייס

“רבי, כ’קען נישט, כ’בין פארשמוצט איבעראל”

כ’וועל האלטן א שיעור לכל עדת” “ס’איז א טעות געווען די גאנצע כעס

רבי, ס’איז דערנאך” מיין נאמען איז אש שווערער ווי א יאך כ’האב נישט באצאלט דעם רש”ש ס’איז ביטער ווי א גאל מיין זון איז גארנישט יונג מ’זוכט שוין איבעראל “שידוכים איז נישט גרינג

אויב אזוי הער דו מיך אויס” איך האב א טאכטער א טייערע רויז איך געב איר אהין דיין זון צו בויען א הויז “?צי ביסטו מיר מוחל בלב שלם

“אזוי? בין איך זיכער מוחל”

!מזל טוב! מזל טוב! מזל טוב

אין די שטאט שרעבּ א נייע מאן און ווייב קיינער מער ליצנות טרייבט דער גדול פון שטאט מיטן שוסטער פּשוט און גראד דער הייליגער רש”ש האט געמאכט א רעש און אזוי געוויזן לכל אנ”ש וויבאלד איך האב אים פארשעמט אלס א מחותן נעם איך אים

א נקודה׳לע

אינמיטן זינגען ערגעץ וואו אַן איידל איד’ל קומט צו מיר צו אויב מעג איך פרעגן צי איר זענט דער זינגער ר’ מיכאל אַן עלטערער זון האב איך געהאט מ’טראגט אָן ענדליך נאך א לאנגע צייט א שיינעם שידוך פון ארץ ישראל אויסצאלן ביידע זייטן דארף איך עס אוי געוואלד פון וואו פארשאף איך עס אזויפיל הוצאות, אזא גרויסן אפּצאל ווער וועט דא זיין מיין רעטער פּונקט הער איך ווי דו פארציילסט עפּעס א מעשה פון א פעטער מיט א איד וואס איז געווען אין זעלבן מצב ווי מיר , אמאל

מיר האבן דאך א טאטע’ן מיינע כוחות קען איך שפּארן” איך דארף אים נישט צו זוכן ווייל ער איז דא מיט מיר ער האט מער פון פעטער, נא וואס פעלט מיר אויס צו פאָרן “לאמיר גיין אנקלאפּן אויפ’ן טאטע’נס טיר

איך קום אהיים, איך שריי איך צאל אויס צדדים צוויי אונז האמיר אין הימל א קל חי דיין מעשה האט געטון דעם שידוך און געברענגט שוין אייניקלעך דריי

איי איי איי טייערע איד’עלע זוך אויף די נקודה’לע א מעשה’לע א ליד’לע טרעף די ווארט וואס דו זעסט דארט א חיזוק פאר דיר חזר עס איין אז דו זאלסט זיין שטארק אויף יעדן ריר אוי טייערע איד’עלע כאפּ אָן איין נקודה’לע פון א מעשה’לע א ליד’לע טרעף די ווארט וואס דו זעסט דארט אַן ענטפער פאר דיר נעם עס אריין אז דו זאלסט זיין א גיבור ווי קיינמאל פריער

א מאמע אָן רופט זי מיט קרעכצן טיפע זיפצט זי מיין קינד שוין אכט יאר אלט וואקט נאכנישט אליין שלעפּט זיך מיט שטעקענעס ער שעמט זיך און אים אפּשרעקן עס אין חדר וויל ער בשום אין אופן נישט גיין איין אינדערפרי איך הער קיין שום געוויין נישט איך גלייב עס אליין נישט איך זע ער שלעפּט זיך צום באס מיט א שמייכל אזוי שיין איך וואונדער מיך, פון וואו נעמט ער פּלוצלינג אזא ברען איך בייג מיך צו און איך הער ווי ער זינגט זיך “איך ווייס אז איך קען “אפילו ס’שווער בין איך שטארקער ווי איך מיין

” דו קענסט, דו קענסט, דו ווייסט אז דו קענסט פון יעדן שווערן קלעם זיך זען ארויס דו קענסט, יא דו קענסט, דו ווייסט אליין דו קענסט “

און זי זאגט: אין טעראפּי ער קריכט אויפ’ן לייטער יעדן טאג מיט א ברען אין חדר גייט ער ער איז שוין בכלל נישט מער דערשראקן מיכאל, דיין ניגון האט געמאכט מיין קינד זאל וועלן וואקן

איי איי איי טייערע אידעלע זוך אויף די נקודה’לע פון א מעשה’לע א ליד’לע טרעף דעם ווארט וואס דו זעסט דארט א חיזוק פאר דיר חזר עס איין אז דו זאלסט זיין שטארק אויף יעדן ריר אוי טייערע איד’עלע כאפּ אָן איין נקודה’לע פון א מעשה’לע א ליד’עלע טרעף דעם ווארט וואס דו זעסט דארט אַן ענטפער פאר דיר נעם עס אריין אז דו זאלסט זיין א גיבור ווי קיינמאל פריער

פון חנה מיט איר חבר’טארין פיל קינדער שוין געבארן עלטערן ארויסגענומען אַן עצה א נייע דעם ספּעציעלן קינד מ’נעמט ארום אוי, ישימך אלקים כשרה כרבקה כרחל ולאה בחורים אָן ישיבות געשפּירט א חשיבות זיך אזויפיל געענדערט בסייעתא דשמיא וויפיל אידן אויף יעדן עק’לע צופרידן געווארן מיט זייער פּעק’לע נאכן הערן דעם רבי ר’ איציק’לס דעה א דרשה א געזאנג א ווערטל א געדאנק דעם חיזוק דיינעם פאנג דאס קען דיר העלפן אויף יארן לאנג

איי איי איי טייערע איד’עלע זוך אויף די נקודה’לע פון א מעשה’לע א ליד’עלע טרעף דעם ווארט וואס דו זעסט דארט א חיזוק פאר דיר חזר עס איין אז דו זאלסט זיין שטארק אויף יעדן ריר אוי טייערע איד’עלע כאפּ אָן איין נקודה’לע פון א מעשה’לע א ליד’לע טרעף דעם ווארט וואס דו זעסט דארט אַן ענטפער פאר דיר נעם עס אריין אז דו זאלסט זיין א גיבור ווי קיינמאל פריער

איי איי איי טייערע אידעלע זוך אויף די נקודה’לע פון א מעשה’לע א ליד’עלע טרעף דעם ווארט וואס דו זעסט דארט א חיזוק פאר דיר חזר עס איין אז דו זאלסט זיין שטארק אויף יעדן ריר אוי טייערע אידעלע כאפּ אָן איין נקודה’לע פון א מעשה’לע א לידעלע טרעף דעם ווארט וואס דו זעסט דארט אַן ענטפער פאר דיר חזר עס איין אז דו זאלסט זיין

נאפאליאן

נאפּאליאן דער קעניג אין וואלד ער שפּאצירט א שווערן טאג געווען אינעם קריג געווינען דעם מלחמה ער שטודירט זיין מח צו בארואיגן דאגות אוועק יאגן שפּאצירט ער נעבן וואסער נעבן קוואל פּלוצלינג הערט ער א פידל שפּילט א הערליכן פאל ויפקד המלך: זוכטס אים אויף, ברענגטס מיר דעם מוזיקאנט מ’זוכט ביז ס’איז קלאר א פּאסטוכער גאר דאס איז ער מיטן טאלאנט דו שפּילסט’עך אזוי שיין תנועה’לעך מלא חן נאפּאליאן דער קעניג אים ער הייסט פון היינט און ווייטער שפּילן פאר מיר דו גייסט

איך בין דער קעניג פון דער וועלט דער קעניג פון דער וועלט וואס איך וויל באפעל איך אלעם גוטן וועל איך ווייל איך בין דער מלך איך בין דער קעניג פון די וועלט דער קעניג פון די וועלט די וועלט’ס וועג-ווייזער פּראבלעמענ’ס אויסלייזער ווייל איך בין דער קיסר דער קעניג פון די וועלט

דעם קעניג’ס באפעל פאלגט דער פּאסטוך ערליך מיטן גאנצן הארץ און זעל, כאטש אמאל שווערליך יעדעס מאל ער מאכט גרייט דעם פידל אין זיין האנט דעם קעניג’ס הארץ צוגייט, פארגעסט פון אלע זיינע פיינט ער זאגט אים, איך קען קוים ווארטן אויף דיר שוין מארגן .ווען דו וועסט קומען שפּילן, אוועקנעמען מיינע זארגן אוי איין טאג א יאמערליך געשריי, ויצעק ער בייזערט זיך אויפ’ן פּאסטוך, א שטרענגען פּסק א מורד במלכות, שרייט ער אים אָן גאר היציג ווי שעמסט’עך נישט צו קומען אנגעטון שמוציג צי ווייסטו נישט ווער איך בין, נאפּאליאן דער העלד נאך אביסל בין איך דער קעניג פון די גאנצע וועלט

איך בין דער קעניג פון דער וועלט דער קעניג פון דער וועלט וואס איך וויל באפעל איך אלעם גוטן וועל איך ווייל איך בין דער מלך איך בין דער קעניג פון דער וועלט דער קעניג פון דער וועלט די וועלט’ס וועג-ווייזער פּראבלעמען אויסלייזער ווייל איך בין דער קיסר דער קעניג פון די וועלט

אדוני המלך, בעט ער מיט פארשטאנד, הער דיך נאר איין דו האסט מיר גענומען אלס מוזיקאנט, צו מיר טוסטו גוט פאשטיין די וועג וויאזוי איך שפיל אזא הארץ מיט געפיל דערפאר האסטו מיך יעדן טאג געדינגען איז אויב דאס איז דיין ציל דארפסטו אויך מיינע שוואכקייטן שלינגען טייערע אידן, הערט זיך איין, אט אזוי האט געטון מיט א משל’ע געגעבן צו פארשטיין, דער הייליגער רבי פון לובלין יעדער איד טוט אפּ פּראווענען דריי מאל א טאג דאווענען צום טאטן אבינו שבשמים דער קעניג פון די גאנצע וועלט, מלך חי וקים

דער קעניג פון דער וועלט די קעניג פון דער וועלט דער מלך מלכי המלכים לנצח נצחים דער קעניג פון דער וועלט אוי אוי דער קעניג פון דער וועלט אוי דער קעניג פון די וועלט די וועלט’ס וועג-ווייזער דער פראבלעמענ’ס אויסלייזער ווייל ער איז דער קיסר דער קעניג פון די וועלט

שרייט דער רבי: טייערער איד דער באשעפער וויל הערן פון דיר דיין תפילה, דיין ליד בחר בנו מכל העמים מיינט מען דיר נישטא אזא זאך אז אויף א תפילה זאל מען פארמאכן די טיר און וויבאלד פון די גאנצע וועלט וויל ער מיר אידן זאלן אים לויבן וועט ער אונזערע תפילות אננעמען ווייל זיי זענען דערהויבן ווייל קיין איין תפילה טוט ער נישט אוועק ווארפן קיינמאל טראכט ביי דיר, מיינע תפילות טוט ער נישט דארפן דערפאר אין וועלכע מצב דו ביסט רעד צו אים ווייל ער ווארט א גאנצן טאג נאר אויף דעם לשמוע אל הרינה ואל התפילה לאמיר בעטן צו אים אויף די גאולה

פון דעם קעניג פון דער וועלט דער קעניג פון דער וועלט דער מלך מלכי המלכים לנצח נצחים דער קעניג פון דער וועלט פון דעם קעניג פון דער וועלט דער קעניג פון די וועלט די וועלט’ס וועג-ווייזער פראבלעמען אויסלייזער ווייל ער איז דער קיסר דער קעניג פון דער וועלט

יואלי

מיט טרויער איינגעהילט מ’דערמאנט זיך יענעם בילד די גאס איז פול, יעדענ’ס הארץ פארשטילט א טרויער אויפ’ן פּנים אויסגעשפּרייט צום לעצטן מאל מ’באגלייט .א חבר אזוי יונג פון די וועלט האט זיך געשיידט נישטא די טינט צו באשרייבן די געוויין פון יענעם מאמענט די צער ס’שפּירט זיך, ס’וויינען מיט די ווענט צובראכענע פריינט מ’באגעגענט א ווייטאג אין די גאנצע געגענט פון א נאנטע חבר די וועלט זיך אפּגעזעגנט

דער נאמען יואלי בראך איבעראל געווען באקאנט ביי יעדע שמחה מיט זיין פייפער’ל אין די האנט פילע חולים משמח געווען די שמייכל וואס מ’האט ביי אים געזען מיט א זעלטענע שטארקייט נישט קיין חילוק וואס איז נאר געשען אין יעדן מצב א קוואל פון חיזוק געווען דו ביסט פאר צובראכענע מענטשן אסאך געשפּילט האסטו אומזיסט באהאלטן געטון חסד אָן א שיעור קיינמאל נישט געלאזט קיין שפּיר דיינע גוטע מעשים געהאלטן שטיל ביי דיר

עס קוקט אויס ווי א חלום נישט לאנג צוריק מיט דיר נאך געשמועסט היינט זאגט מען שוין ליידער עליו השלום הייסע טרערן עס פליסט דיינע זיסע שטיקלעך אזוי באטעמט יארן לאנג וועט מען דאס געדענקן מ’שפּילט עס נאך אפילו היינט יואלי, ווען מ’הערט עס מ’טוט זיך בענקן

יואלי וואו ביסטו יואלי וואו ביסטו אפילו אין די לעצטע טעג שוואך געפילט פאר חתן כלה נאך אלץ געשפּילט מיר האבן פּראבירט צו איינרייסן פאר דיין רפואה יואלי בן גיטל יואלי וואו ביסטו מיט א ווינט, מיט שטורעם יואלי אזוי אינג ארויף במרום על אלה אני בוכיה ….על אלה אני בוכיה

אין זכרון ביסטו טעגליך מיר וועלן נישט פארגעסן דיין נאמען מיר טוען וואס איז מעגליך לטובת דיין נשמה דיין שמייכעלע אזוי בא’חנ’ט ס’האט פאר יעדן פיל געמיינט .אוי… דאס הארץ עס וויינט אוי אידעלע הער מיך צו שמע בקולי און קלעם חלילה ביסטו, דערמאן זיך נאר אין יואלי כאטש ער האט ביטער מיטגעמאכט ביי אים געווען טינקל ווי די נאכט קיינמאל אויפגעגעבן נישט געווארן אפּגעשוואכט

אפילו ס’איז נישט גרינג דו מאכסט מיט שוועריקייטן שטרענג זיך אָן פארט, זאג א גוט ווארט פאר א צווייטן כאטש דו האסט דאגות אייגן א שמייכל פאר דיין חבר טו צייגן .פון א שמייכעלע מ’קען קיינמאל דערלייגן פון היינט און ווייטער דו שפּירסט דו מאכסט מיט א גהינום זיי נאר געטריי, געב א דערפריי יענעם דו מיינסט ס’איז א קליינע זאך אין הימל טוט עס אויף גאר אסאך ס’אל זיין אין זכות פון אונזער חבר יואלי בראך

פון יואלי’ס שטארקייט לערן דיר ווען שווערע צייטן עס ווערן דיר דו האסט פיל צרות וואס שטערן דיר האלט זיך שטארק פעלזן פעסט דערמאן דיך אין יואלי’ס גבורות א מוסר השכל דו אליינס שפּיר עס דו מיינסט גייסט דורך צרות צרורות נאר אזוי וועסטו דורכגיין דעם שווער’ן פארמעסט

יואלי וואו ביסטו יואלי וואו ביסטו ווען דו ביסט ארויף דארט אין הימל יואלי, איז געווארן א רעש א טימל דוד המלך מיט זיין פידל האט דיך ווארעם אויפגענומען יואלי דא ביסטו יואלי דא ביסטו ער רופט זיך אָן: הנה זה בא יואלי, מיט דיין פייפער’ל דו ביסט שוין דא .די ארקעסטרא איז גרייט, משיח קען שוין קומען משיח הנה זה בא !משיח הנה זה בא